လုပ်ငန်းရှင်ဝါဒ

Asia Masters Hotel-Management မှ ရေးတင်ထားတဲ့ လုပ်ငန်းရှင်ဝါဒ ဆိုတဲ့ စာပိုဒ်တွေ ဖြစ်ပါတယ်။


လုပ်ငန်းရှင်ဝါဒ (၁)
========
၁။ အရွယ်ရောက်လာတဲ့လူသားတစ်ဦးအတွက် အရေးကြီးဆုံးဟာ ၀င်ငွေဖြစ်တယ်။ ဒီစာကိုဖတ်နေချိန်မှာ ကိုယ့်မှာဝင်ငွေလမ်းကြောင်းတစ်ခုခိုင်ခိုင်မာမာရှိနေပြီလားဆိုတာမေးရမယ်။ အချိန်တိုင်းမှာ တစ်ခုတည်းသောစိတ်ကို ဒီဝင်ငွေအပေါ်မှာသာထားရမယ်။ မိမိရဲ့လုပ်ဆောင်မှုတိုင်းဟာ ၀င်ငွေကို ဖန်တီး၊ တိုးပွားနိုင်တဲ့ လုပ်ဆောင်မှုများသာဖြစ်ရမယ်။ စားလည်း ၀င်ငွေ၊ သွားလည်း ၀င်ငွေသာဖြစ်ရမယ်။ မနက်အိပ်ယာထချိန်ရွတ်ဆိုရမှာက ၀င်ငွေဖြစ်တယ်။ ညအိပ်ယာဝင်ခါနီးအချိန်ရွတ်ဆိုရမှာကလည်းဝင်ငွေဖြစ်တယ်။ ၀င်ငွေဆိုတာ မိမိရဲ့ ကိုယ်စွမ်းအား၊ ဥာဏ်စွမ်းအားနဲ့ တရားဥပဒေနဲ့အညီ အလုပ်တစ်ခုလုပ်လို့ ရလာတဲ့ အခကျေးငွေဖြစ်တယ်။ ၀င်ငွေရှိလာသူများဟာ စုဆောင်းရမယ်။ စုဆောင်းမိနေသူများဟာ တိုးပွားအောင်လုပ်ရမယ်။ တစ်ပြား၊ တစ်ကျပ်၊ တစ်ရာ၊ တစ်ထောင်၊ ငါးထောင်၊ တစ်သောင်းအစရှိသည့် ငွေကြေးတို့သည် မိမိ၏ စစ်သည်တော်များနှင့်တူသည်။ ရှုံးနိမ့်မည့်တိုက်ပွဲများအတွက် မိမိတို့၏စစ်သည်တော်တို့၏ အင်အားကို အချည်းနှီး မဆုံးရှုံးသင့်။ အစဉ်အဆက် တိုးပွားကြီးမားလာအောင်သာ လုပ်ဆောင်ကြရမည်။ ၀င်ငွေမရှိသူများသည် အသိဥာဏ်နဲပါးခြင်း၊ ငတ်မွတ်ခေါင်းပါးခြင်း၊ အနာရောဂါထူပြောခြင်း၊ မိတ်ဆွေသင်္ဂဟနည်းခြင်း၊ သက်တမ်းတိုးခြင်း အစရှိသည့် ဘေးဒုက္ခတို့ကို အစဉ်ခံစားရလေ၏။



လုပ်ငန်းရှင်ဝါဒ (၂)
==========
၂။ လူ့လောကမှာ ၀င်ငွေရတဲ့အလုပ်အမျိုးအစားများရေတွက်မရနိုင်အောင်ရှိတယ်။ ဒီအလုပ်တွေကို အကြမ်းဖျဉ်းအားဖြင့် အမျိုးအစားနှစ်မျိုးခွဲလို့ရတယ်။ ပထမတစ်မျိုးက အလုပ်ကြမ်း နဲ့ ဒုတိယတစ်မျိုးက အသက်မွေးဝမ်းကျောင်းပြုတဲ့အလုပ်မျိုးဖြစ်တယ်။ အလုပ်ကြမ်းဆိုတာမျိုးက အချိန်ကုန်အောင် ထပ်ခါထပ်ခါ လုပ်ရတဲ့ အလုပ်မျိုးဖြစ်တယ်။ လတ်တလော ၀င်ငွေရရှိနိုင်သော်လည်း ရေရှည်ဘ၀တိုးတက်ဖို့မလွယ်ပါ။ အသက်မွေးဝမ်းကျောင်းပြုတဲ့အလုပ်ဆိုတာမျိုးက ဘ၀တက်လမ်းရှိတယ်။ အလုပ်ကြမ်းနဲ့ အသက်မွေးဝမ်းကျောင်းပြုအလုပ်တို့ ကွာခြားချက်က တစ်ခုပဲရှိတယ်။ ဒါက သင်ယူမှု (Leaning) ဖြစ်တယ်။ အသက်မွေးဝမ်းကျောင်းအလုပ်ကို ရှာဖွေသင်ယူပြီး ဘ၀ကိုမြှင့်တင်သွားရမယ်။

လုပ်ငန်းရှင်ဝါဒ (၃)
==========
ကိုယ်ပိုင်လုပ်ငန်းငယ်များမလုပ်မီ သေသေချာချာနားလည် သဘောပေါက်နားလည်ရမည်မှာ မိမိလုပ်သည့်လုပ်ငန်းသည်အောင်မြင်နိုင်သလို၊ ဆုံးရှုံးဖို့အခွင့်အလမ်းများလည်းရှိသည်ဆိုသည်ကို သိရမည်။ အောင်မြင်လျှင် ကောင်းသော်လည်း မအောင်မြင်လျှင်မိမိပိုင်ဆိုင်သည့်၊ ငွေ၊ ဂုဏ်သိက္ခာ၊ အသိုင်းအ၀ိုင်း၊ မိသားစု၊ ညီအစ်ကိုမောင်နှစ်မ၊ ခင်ပွန်း၊ ဇနီး၊ သားသမီးများနှင့် တန်ဖိုးထားသည့်အရာများ အားလုံးဆုံးရှုံးသွားနိုင်သည်ကို သိထားရမည်။ အပျော်သဘောလုပ်၍မရ။ ဆုံးဖြတ်ချက်ခိုင်ခိုင်မာမာချပြီးမှသာ ဆောင်ရွက်သင့်သည်။ (၁) ကိုယ်ပိုင်လုပ်ငန်းငယ်လုပ်လိုသူများသည့် မိမိလုပ်မည့်လုပ်ငန်းကို ပြင်းပြင်းပြပြ စိတ်ပါဝင်စားသူဖြစ်ပြီး၊ ကျွမ်းကျင်လာအောင်အမြဲကျိုးစားနေရမည်။ (၂) မိမိ၏ဖေါက်သည်များ လိုအပ်နေသည့်အရာနှင့် လိုအပ်လာနိုင်သည့်အရာများကို ကြိုတင်ခန့်မှန်းနိုင်ပြီး၊ရောင်းချမည့် ထုတ်ကုန် (သို့) ၀န်ဆောင်မှုများကို ထုတ်လုပ်နိုင်ရန် ကြိုးစားရမည်။ (၃) လုပ်ငန်းစတင်နိုင်ရန် မတည်ရင်းနှီးငွေကို မည်သို့ရှာဖွေရမည်ကိုသိခြင်းတို့ရှိမှသာလျှင် အောင်မြင်နိုင်သည်။ ထိုအချက် (၃) ချက်ကို နားလည်သဘောပေါက်ပြီး ပေါင်းစပ်လုပ်ဆောင်နိုင်မှသာလျှင် ကိုယ်ပိုင်လုပ်ငန်းငယ်များ ရှင်သန်ဖွံ့ဖြိုးနိုင်လေသည်။

လုပ်ငန်းရှင်ဝါဒ (၃)
==========
ကိုယ်ပိုင်လုပ်ငန်းငယ်များမလုပ်မီ သေသေချာချာနားလည် သဘောပေါက်နားလည်ရမည်မှာ မိမိလုပ်သည့်လုပ်ငန်းသည်အောင်မြင်နိုင်သလို၊ ဆုံးရှုံးဖို့အခွင့်အလမ်းများလည်းရှိသည်ဆိုသည်ကို သိရမည်။ အောင်မြင်လျှင် ကောင်းသော်လည်း မအောင်မြင်လျှင်မိမိပိုင်ဆိုင်သည့်၊ ငွေ၊ ဂုဏ်သိက္ခာ၊ အသိုင်းအ၀ိုင်း၊ မိသားစု၊ ညီအစ်ကိုမောင်နှစ်မ၊ ခင်ပွန်း၊ ဇနီး၊ သားသမီးများနှင့် တန်ဖိုးထားသည့်အရာများ အားလုံးဆုံးရှုံးသွားနိုင်သည်ကို သိထားရမည်။ အပျော်သဘောလုပ်၍မရ။ ဆုံးဖြတ်ချက်ခိုင်ခိုင်မာမာချပြီးမှသာ ဆောင်ရွက်သင့်သည်။ (၁) ကိုယ်ပိုင်လုပ်ငန်းငယ်လုပ်လိုသူများသည့် မိမိလုပ်မည့်လုပ်ငန်းကို ပြင်းပြင်းပြပြ စိတ်ပါဝင်စားသူဖြစ်ပြီး၊ ကျွမ်းကျင်လာအောင်အမြဲကျိုးစားနေရမည်။ (၂) မိမိ၏ဖေါက်သည်များ လိုအပ်နေသည့်အရာနှင့် လိုအပ်လာနိုင်သည့်အရာများကို ကြိုတင်ခန့်မှန်းနိုင်ပြီး၊ရောင်းချမည့် ထုတ်ကုန် (သို့) ၀န်ဆောင်မှုများကို ထုတ်လုပ်နိုင်ရန် ကြိုးစားရမည်။ (၃) လုပ်ငန်းစတင်နိုင်ရန် မတည်ရင်းနှီးငွေကို မည်သို့ရှာဖွေရမည်ကိုသိခြင်းတို့ရှိမှသာလျှင် အောင်မြင်နိုင်သည်။ ထိုအချက် (၃) ချက်ကို နားလည်သဘောပေါက်ပြီး ပေါင်းစပ်လုပ်ဆောင်နိုင်မှသာလျှင် ကိုယ်ပိုင်လုပ်ငန်းငယ်များ ရှင်သန်ဖွံ့ဖြိုးနိုင်လေသည်။


လုပ်ငန်းရှင်ဝါဒ (၄)
==========
၎။ ရေရှည်အောင်မြင်နေသူတစ်ဦးမှာ (၁) မိမိလုပ်နေသည့်အလုပ်အပေါ် ပြင်းပြင်းပြပြ ယုံကြည်၍ စိတ်ပါဝင်စားသူဖြစ်ခြင်း (၂) တစ်မူထူးတဲ့အတွေးအမြင်များရှိခြင်းနဲ့ (၃) မိမိရဲ့လုပ်ငန်းကို ကျွမ်းကျင်ပိုင်နိုင်စွာတတ်မြောက်ခြင်းတို့နဲ့ ပြည့်စုံရတယ်။ ပြင်းပြင်းပြပြယုံကြည်မှုများဟာ မိမိတို့ရဲ့ နှလုံးသားမှလာတယ်။ တစ်မူထူးခြားတဲ့ အတွေးအမြင်များဟာ မိမိရဲ့ဦးနှောက်မှလာတယ်။ (၃) ကျွမ်းကျင်ပိုင်နိုင်စွာတတ်မြောက်ခြင်းတို့ဟာ မိမိတို့လက်များမှဖြစ်တယ်။ ဒါကြောင့် ရေရှည်မှာ အောင်မြင်လိုသူတစ်ဦးဟာ မိမိရဲ့ နှလုံးသား၊ ဦးနှောက်နဲ့ လက်တွေကို သုံးဖက်ညီ အသုံးပြုတတ်သူတို့ဖြစ်တယ်။



လုပ်ငန်းရှင်ဝါဒ (၅)
==========
၅။ ဆုံးရှုံးမှုနဲ့ မပြည့်မစုံမှုတွေဟာ လူသားတိုင်းမှာရှိတယ်။ ဆုံးရှုံးမှုနဲ့ မပြည့်စုံမှုတွေဟာ ပိုပြီးပြည့်စုံလာအောင်လုပ်ဆောင်ရမဲ့တွန်းအားတွေဖြစ်တယ်။ တစ်ခါလဲကျရင် နောက်တစ်ခါပြန်ထနိုင်ရမယ်။ အကြိမ်ကြိမ်လဲကျလည်း အကြိမ်ကြိမ်ပြန်ထနိုင်ရမယ်။ ပြင်းပြသောယုံကြည်မှုတို့ဟာ ပြီးမြောက်ခြင်းတို့ကို ဆောင်ကျဉ်းလာတယ်။ မပြည့်စုံမှုများဟာ အရေးမကြီးပါ။ မိမိဘာကို ပြည့်စုံအောင်လုပ်ဖို့လိုသည်ကို သိရန်သာလိုသည်။


လုပ်ငန်းရှင်ဝါဒ (၆)
==========
၆။ ကောင်းသောအကြောင်းအရာမဟုတ်သော်လည်း လူသားများနှင့် အမြဲထိတွေ့နေရသည့် ကိစ္စတစ်ခုမှာ "အကြွေး" ဖြစ်သည်။ အကြွေးဟူ၍ကြားလိုက်သည်နှင့် မင်္ဂလာမဲ့သွားသည်ဟုခံစားကြရသည်။ သို့သော်လူသားတို့သည် အကြွေးနှင့်ကင်းသည်ဟူ၍မရှိပါ။ အကြွေးကို ကြောက်ရန်မလိုပါ။ သူ့ကြွေး ရှိသည်များကို ဆပ်ရမည်သာဖြစ်သည်။ အကြွေးဟုပြောလိုက်လျှင်ကပ်ပါလာသည်မှာ " အတိုး" ဖြစ်သည်။ အကြွေးယူလိုက်သောငွေသည် ပြန်ဆပ်ရန်အတွက်သာရည်ရွယ်ထားရမည်။ အတိုးနှုံးကြီးမားသော ချေးငွေများကို မချေးခင်ကတည်းက သတိထားရမည်။ လုပ်ငန်းလုပ်လျှင်၊ တိုးချဲ့လျှင် ငွေလိုပါက ချေးရသည်။ အတိုးထဲတွင်နစ်မွန်းသွားနိုင်မည့် အခြေအနေမျိုးကို သိထားရမည်။ ငွေချေး၍ သုံးဖြုံးပစ်လိုက်လျှင်ကား ကုရာနတ္ထိဖြစ်ပြီး ဒုက္ခပင်လယ်ဝေမည်။


လုပ်ငန်းရှင်ဝါဒ (၇)
==========
၇။ လူသားတွေရဲ့ ပိုင်ဆိုင်မှုများ ပျက်စီးပျောက်ဆုံးခြင်း၊၊ မိသားစုများပြိုကွဲခြင်း၊ မိတ်ဆွေအပေါင်းအသင်းများပျက်ခြင်း၊ ဘ၀ပျက်ခြင်းများကို ဖြစ်စေတဲ့အကြောင်းရင်းတစ်ခုကတော့ လောင်းကစားခြင်းဖြစ်တယ်။ ဒါကြောင့် အပျော်အပျက်ပဲဖြစ်ဖြစ် စိတ်ရင်းနဲ့ပဲဖြစ်ဖြစ် လောင်းကစားခြင်းကို မလုပ်ပါနှင့်။ သို့သော် လောင်းကစားခြင်းနဲ့ လူသားတွေက တွဲပါလာတာဖြစ်တယ်။ လောင်းကစားခြင်းဆိုတာက မိမိသေသေချာချာမသိတဲ့ကိစ္စမျိုးကို စွန့်စားမှုလုပ်ခြင်းဖြစ်တယ်။ မိမိဘက်မှ မဆုံးရှုံးအောင် အဖက်ဖက်မှ တွက်ချက်ပြီးမှ သာစွန့်စားမှုမျိုးပြုလုပ်သင့်တယ်။ လောင်းကစားလုပ်ငန်းကို နိုင်ငံကို အုပ်ချုပ်တဲ့အစိုးရက ဦးစီးပြီးလုပ်ရမယ်။ လူပုဂ္ဂိုလ် တစ်ယောက်ချင်းစီကို လောင်းကစားလုပ်ခွင့်မပြုရ။


လုပ်ငန်းရှင်ဝါဒ (၈)
==========
၈။ အမှန်တကယ်အကူအညီလိုအပ်နေသူမျုားမှလွဲ၍ မည်သူ့ကိုမျှအလကားမပေးသင့်။ အလကားမကျွေးသင့်။ အလကားပေးခြင်း၊ အလကားလိုချင်ချင်းတို့သည် လူတို့၏ ကိုယ်ရည်ကိုယ်သွေးကို ကျဆင်းသွားစေသည်။ အလကားပေးလျှင် တန်ဖိုးကို နားမလည်နိုင်၍ အကောင်းမဖြစ်ယုံမက၊ မိမိ၏ ပိုင်ဆိုင်မှုများကို ဖြုန်းတီးရာရောက်သည်။ ပိုင်ဆိုင်မှုတို့သည် အစဉ်အဆက်သာတိုးပွားနေရမည်။


လုပ်ငန်းရှင်ဝါဒ (၉)
==========
၉။ မည်သည့်လုပ်ငန်းမဆို အချက်အချာကျသည့်နေရာသည်အရေးကြီးဆုံးဖြစ်သည်။ အချက်အချာကျသည့် နေရာများတွင်နေထိုင်နိုင်အောင်လုပ်ငန်းလုပ်ဆောင်နိုင်အောင်လုပ်ရမည်။ အချက်အချာကျသည့်နေရာများသည် မြို့ရွာတို့၏အလယ်လူစည်ကားသောနေရာများ၊ အရောင်းအ၀ယ်လုပ်ငန်းလုပ်ဆောင်သည့်နေရာများ၊ ဘာသာရပ်ပိုင်းဆိုင်ရာဖြန့်ဖြူးရာ ဗဟိုများဖြစ်သည်။ လူသားတို့နှင့်ဝေးရာတွင်နေသူတို့သည် အရောင်းအ၀ယ်မဖြစ်ခြင်း၊ ၀င်ငွေမရှိခြင်း၊ အသိဥာဏ်နဲခြင်းအစရှိသည့် ဆင်းရဲဒုက္ခတို့နှင့်သာ ကြုံတွေ့ကြရသည်။ အချက်အချာကျသည့် အလယ်ဗဟိုနေရာများတွင် ချေကုတ်ယူပါ။


လုပ်ငန်းရှင်ဝါဒ (၁၀)
===========
၁၀။ လူသားတစ်ဦးအတွက် ၀တ်စားဆင်ယဉ်မှုသည် အလွန်အရေးကြီးသည်။ မိမိသွားမည့်နေရာ၊ ရာသီဥတု၊ တွေဆုံရမည့်သူတို့နှင့် လိုက်လျှောညီထွေဖြစ်မည့် အ၀တ်အစားကို သန့်ရှင်းသန့်ယပ်စွာဝတ်စားဆင်ယဉ်တတ်ရန်လိုသည်။ ရှိသလိုဝတ်၊ ဖြစ်သလိုဝတ်သူများကို မည်သူမျှ လေးစားလိမ့်မည်မဟုတ်။ အမြဲတစေ အရှုံးနှင့်သာရင်ဆိုင်ရမည်။ သင့်လျှော်သည့်အ၀တ်အစားကို သန့်ရှင်းသန့်ယပ်စွာဝတ်ထားသူတို့သည် တွေ့ဆုံသူတိုင်း၏ လေးစားယုံကြည်မှုကိုရရှိကြ၍ အောင်မြင်သူများဖြစ်လာသည်။


လုပ်ငန်းရှင်ဝါဒ (၁၁)
===========
၁၁။ ဘယ်အလုပ်ပဲလုပ်လုပ် အချိန်ကအရမ်းအရေးကြီးတယ်။ အချိန်လွန်သွားရင်တော့ဘာမှတန်ဖိုးမရှိတော့ဘူး။ တန်ဖိုးတွေဟာ အချိန်အတိုင်းအတာတစ်ခုအတွင်းမှာသာရှိတယ်။ အချိန်အတိအကျဖြစ်အောင်လုပ်ရမယ်။


လုပ်ငန်းရှင်ဝါဒ (၁၂)
===========
၁၂။ လူသားတစ်ဦးဖြစ်လာရင် များများသိအောင်ကြိုးစားရမယ်။ များများသိသူများမှာ များများရွေးချယ်နိုင်တယ်။ သိတယ်ဆိုတဲ့နေရာမှာ နှစ်မျိုးရှိတယ်။ ပထမသိခြင်းက လူ့ကိုယ်ခန္ဒာအာရုံခံ အစိတ်အပိုင်းတွေဖြစ်တဲ့ မျက်စိ၊ နား၊ နှာခေါင်း၊ လျှာ၊ ကိုယ် တို့နဲ့သိတဲ့အာရုံသိဖြစ်တယ်။ ဒီလိုသိခြင်းမျိုးတွေက လူတွေရော တိရိစ္လာန်တွေရောမှာရှိတယ်။ တိရိစ္ဘာန်ဆိုတာက အိပ်၊ စား၊ ကာမ အလုပ်သုံးခုပဲလုပ်တဲ့သတ္တ၀ါကိုခေါ်တယ်။ လူတွေဟာ အိပ်၊ စား၊ကာမ ပဲလုပ်ရင် လူ့တိရိစ္ဆာန်တွေဖြစ်တယ်။ နောက်တစ်ခုသိခြင်းက ဥာဏ်သိ (သို့) အသိဥာဏ်ဖြစ်တယ်။ ဒီအသိဥာဏ်ကတော့ တိရိစ္ဆာန်အချို့မှာ အနည်းငယ်ရှိနိုင်ပေမဲ့ လူသားတွေမှာ အကြီးမားဆုံးဖြစ်တယ်။ ဒီအသိဥာဏ်ကြောင့် လူသားတွေဟာ မဟာလူသားတွေဖြစ်လာတယ်။ အသိဥာဏ်ထဲမှာဘာတွေပါလဲဆိုရင် ၁) သင်ယူနိုင်ခြင်း၊ ၂) စဉ်းစားနိုင်ခြင်း ၃) မှတ်သားနိုင်ခြင်း ၄) အတွေ့အကြုံကို အသုံချတတ်ခြင်းနဲ့ ၅) ဆင်ချင်တတ်တဲ့အရည်အချင်းတွေဖြစ်တယ်။ အသိဥာဏ်ကို တိုးအောင်လုပ်လို့ရတယ်။ အသိဥာဏ်တိုးချင်ရင် မိမိလေ့လာတဲ့ဘာသာရပ်ကို လေးလေးနက်နက်ယုံကြည်ပါ။ များများဖတ်ပါ။ များများရေးပါ။ များများနားထောင်ပါ။ ကိုယ်သိလာတာတွေကို သူများကို ပြန်မျှဝေပါ။ မိတ်ဆွေအပေါင်းအသင်းများများထားပါ။ ခရီးများများသွားပါ။ အသိဥာဏ်မတိုးသူများဟာ အာရုံတွေနောက်ကို သာတကောက်ကောက်လိုက်လေ့ရှိတယ်။ လူသားအဖြစ်မှ တိရိစ္ဆာန်အဖြစ်သို့ကျရောက်ကုန်တယ်။ အသိဥာဏ်အမြင့်မားဆုံးလူတွေဟာ သူတော်စင်တွေဖြစ်လာတယ်။


လုပ်ငန်းရှင်ဝါဒ (၁၃)
===========
၁၃။ လူသားတစ်ဦးဖြစ်လာရင် ခွန်အားတိုးပွားနေအောင် အမြဲတစေကြိုးပမ်းလုပ်ဆောင်နေရမယ်။ ခွန်အားဆိုတဲ့နေရာမှာ ရုပ်ပိုင်းဆိုင်ရာခွန်အားနဲ့ စိတ်ပိုင်းဆိုင်ရာခွန်အားဆိုပြီး နှစ်မျိုးခွဲနိုင်တယ်။ ရုပ်ပိုင်းဆိုင်ရာခွန်အားပဲဖြစ်ဖြစ်၊ စိတ်ပိုင်းဆိုင်ရာခွန်အားပဲဖြစ်ဖြစ် အမြဲတိုးပွားနေအောင် ကြိုးပမ်းနေကြရမယ်။ အသက်အရွယ်အလိုက်ခွန်အားများကွားခြားနိုင်သော်လည်း မိမိရဲ့နောက်ဆုံးထွက်သက်အထိ မိမိရဲ့ ခွန်အားကို ထိန်းသိမ်းသွားရမယ်။


လုပ်ငန်းရှင်ဝါဒ (၁၄)
===========
၁၄။ လူသားတစ်ဦးအတွက် တန်ဖိုးအရှိဆုံးအရာမှာ မိမိရဲ့ ကိုယ်ခန္ဒာဖြစ်တယ်။ မိမိရဲ့ ကိုယ်ခန္ဒာဟာ မိမိကိုးကွယ်တဲ့ဘုရားကျောင်းနဲ့တူတယ်။ မိမိကိုယ်ခန္ဒာ ကို ညစ်နွမ်းစေမဲ့အလုပ်များမလုပ်ရ။ မိမိကိုယ်ခန္ဒာအစိတ်အပိုင်းကို အသုံးပြု၍ ကာမဂုဏ်ကို မရောင်းစားရ။ ကိုယ်တွင်းအင်္ဂါများကို မရောင်းစားရ။ မိမိကိုယ်ခန္ဒာကို အမြဲသန့်ရှင်းအောင်ထိန်းသိမ်းထားရမည်။

လုပ်ငန်းရှင်ဝါဒ (၁၅)
===========
၁၅။ ရုပ်ခန္ဒာကို ခွန်အားရှိစေလိုလျှင် ဖွံ့ဖြိုးတိုးတက်လိုရင် အစပြုရမည်မှာကလှုပ်ရှားမှုဖြစ်တယ်။ လူသားတွေရဲ့ ကိုယ်ခန္ဒာကို အရိုးနဲ့အသားတွေနဲ့ဖွဲ့စည်းထားတယ်။ အသေးငယ်ဆုံးကလပ်စည်းလေးမှာလည်း မွေးဖွားခြင်း၊ ကြီးထွားခြင်း၊ သေဆုံးခြင်း ဆိုတဲ့ သံသရာလည်နေတယ်။ ဒီလိုမွေးဖွားလာလိုက်၊ ကြီးပြင်းလိုက်၊ သေဆုံးလိုက်ဖြစ်နေတဲ့ ကလပ်စည်းလေးတွေအတွက် အဓိကလိုအပ်ချက် လှုပ်ရှားမှုလိုအပ်ခြင်းဖြစ်တယ်။ လှုပ်ရှားမှုကြောင့်ကလပ်စည်းလေးအသစ်အသစ်တွေဟာ ပေါ်ပေါက်နေတယ်။ လူ့ကိုယ်ခန္ဒာ မှာရှိတဲ့အစိတ်အပိုင်းအားလုံးကို လှုပ်ရှားပေးဖို့လိုတယ်။ ကောင်းတာက နံနက်စောစော မှာ လှုပ်ရှားမှုလုပ်တာအကောင်းဆုံးပါပဲ။ နံနက်စောစော အချိ်န်မှာရှိတဲ့လေဟာ အသန့်ရှင်းဆုံးဖြစ်တယ်။ ကိုယ်လက်လှုပ်ရှားမလုပ်သူများဟာ ရောဂါထူပျောခြင်း၊ ပြင်းယိခြင်းနဲ့ သက်တမ်းတိုသူများဖြစ်လာတယ်။ လူသားအားလုံး လေ့ကျင့်ခန်းလုပ်ရန်လိုတယ်။


လုပ်ငန်းရှင်ဝါဒ (၁၆)
===========
၁၆။ ရုပ်ခန္ဒာကိုယ်ကို အသား၊ အရိုး၊ သွေးတွေနဲ့ဖွဲ့စည်းထားတယ်။ အသားတိုးပွားပြီးလှပလာဖို့အတွက် သန့်ရှင်းလတ်ဆတ်သော အသားများကို စားသုံးရမယ်။ သေနေပြီးသော အသေကောင်များကို မစားရ။ အသားမစားသူများအနေနဲ့ ပဲကို များများစားရမယ်။ အသားလည်းမစားသူ၊ ပဲလည်းမစားသူများဟာ ချိနဲ့ပြီး လူစဉ်မမီသူများဖြစ်လာတယ်။


လုပ်ငန်းရှင်ဝါဒ (၁၇)
===========
၁၇။ လူသားတွေမှာ ရှိသင့်ရှိထိုက်တဲ့ ကြံ့ခိုင်မှုနဲ့ မြင့်မားသောအရပ်အမောင်းများရှိဖို့ဆိုရင် အရိုးများ သန်မာကြီးထွားဖို့လိုတယ်။ အရိုးများသံမာကြီးထွားဖို့အတွက် နွားနို့နဲ့ နို့ထွက်ပစ္စည်းများကို များများ စားသုံးရမယ်။ ဒိန်ချဉ် ကို အမြဲသောက်ရမယ်။ အသက်ကြီးသူတွေအတွက် အဆီထုတ်ထားတဲ့ နွားနို့ကိုသောက်နိုင်တယ်။ ကလေးသူငယ်ကအစ နွားနို့နဲ့ ဒိန်ချဉ်ကို များများတိုက်ရမယ်။


လုပ်ငန်းရှင်ဝါဒ (၁၈)
===========
၁၈။ လူသားတွေမှာလိုအပ်တဲ့ အမြှင်ဓါတ်၊ ဗီတာမင်ဓါတ်များနဲ့ သတ္တုဓါတ်များရနိုင်ဖို့အတွက် အသီးအရွက်များကို များများစားပေးရမယ်။ အသီးအရွက်များစားသုံးရာမှာ ရေစင်စင်ဆေးပြီးမှာသာစားသုံးရမယ်။ ကစီဓါတ်ရဖို့အတွက် ဂျုံ၊ ဆန်၊ပြောင်း၊လူး၊ဆပ်အစရှိသည်တို့ကိုစားသုံးရမယ်။ စားအုန်းဆီစားသုံးခြင်းမှရှောင်ကျဉ်ရမယ်။ ဆီကိုနဲနဲပဲစားရမယ်။ ပဲဆီ၊ နှမ်းဆီ၊ သံလွင်ဆီများ စားသုံးနိုင်တယ်။ တစ်ရက်ကို ရေ (၈) ခွက်သောက်ရမယ်။ မနက်စာကို ပုံမှန်စားရမယ်။ ကိုယ်ခံအားကောင်းဖို့ သံပုရာရေ၊ လိမ္မော်ရည်၊ အချဉ်ဓါတ်ပါတဲ့အသီးများကို စားသုံးရမယ်။


လုပ်ငန်းရှင်ဝါဒ (၁၉)
===========
၁၉။ ကွမ်းစားခြင်းကို လုံးဝရှောင်ကျဉ်ရမယ်။ ဆေးလိပ်သောက်ခြင်းဟာ ကိုယ်ခံအားကို ကျဆင်းစေတယ်။ အရက်သောက်တဲ့နေရာမှာ ရည်ရွယ်ချက်ရှိရှိသောက်တတ်ရမယ်။ အရက်သောက်ခြင်း၏ပထမရည်ရွယ်ချက်မှာ ခံတွင်းမိန်စေဖို့ဖြစ်တယ်။ ဒုတိယရည်ရွယ်ချက်မှာ အစာချေညက်ဖို့ဖြစ်တယ်။ တတိယရည်ရွယ်ချက်မှာ မိတ်ဆွေအပေါင်းအသင်းတိုးရန်ဖြစ်တယ်။ စတုတ္ထရည်ရွယ်ချက်မျာ ပျော်ရွှင်ဖို့ဖြစ်တယ်။ ဒီရည်ရွယ်ချက်တွေကို မသိသောက်သူများဟာ အရက်ရဲ့ ကျေးကျွန်များသာဖြစ်သွားလေ့ရှိတယ်။ ဘိန်းကို အခြေခံတဲ့ မူးယစ်ဆေးဝါးများကို လုံးဝအသုံးမပြုရ။


လုပ်ငန်းရှင်ဝါဒ (၂၀)
===========
၂၀။ စိတ်ပိုင်းခွန်အားကို အမြဲတိုးပွားနိုင်အောင်လုပ်ရမယ်။ စိတ်ပိုင်းခွန်အားကို တိုးပွားစေတဲ့ ပထမဆုံးအကြောင်းက မိမိလုပ်နေသောအလုပ်အပေါ် ပြင်းပြင်းပြပြ ယုံကြည်ချက်ရှိဖို့လိုတယ်။ ယုံကြည်ချက်ဆိုတဲ့နေရာမှာ မိမိလုပ်နေတဲ့အလုပ်ဟာ မျှတတဲ့အလုပ်ဖြစ်တယ်။ တရားဥပဒေနဲ့အညီဖြစ်တယ်၊ လူသားတွေရဲ့ကောင်းကျိုးအတွက်ဖြစ်တယ်ဆိုတာက စွဲစွဲမြဲမြဲ ယုံကြည်ရမယ်။ ပြင်းပြင်းပြပြ ယုံကြည်သူတွေဟာ ပိုသိသိလာကြတယ်။ သိအောင်လည်းကြိုးစားကြတယ်။ ပိုသိလာသူတွေဟာ ပိုပြီးတော့ ကတိတည်လာကြတယ်။ ပိုပြီးကတိတည်လာသူတွေကြားမှာ ညီရင်းအစ်ကို မေတ္တာတစ်ရားတွေဟာ ပေါက်ဖွားလာတယ်။ ညီရင်းအစ်ကို မေတ္တာတရားတွေကနေ မေတ္တာတရားလို့ခေါ်တဲ့ လူသားတွေရဲ့ ကောင်းကျိုးကို လိုလားတဲ့စိတ်ဆိုတာပေါ်လာတယ်။ လူသားတွေရဲ့ကောင်းကျိုးကို အစဉ်လိုလားသူတို့ဟာ သေသည်အထိဇွဲမလျှော့ကြတော့ပါ။


လုပ်ငန်းရှင်ဝါဒ (၂၁)
===========
၂၁။ သန့်ရှင်းစင်ကြယ်မှုဟာ ဖွံ့ဖြိုးတိုးတက်မှုကိုဆောင်ကျဉ်းနိုင်တယ်။ လူသားတွေမှာက ကိုယ်ခန္ဒာနဲ့ စိတ်နဲ့ရှိနေတော့ ကိုယ်ခန္ဒာလည်းသန့်ရှင်းဖို့လိုသလို၊ စိတ်ထားလည်း သန့်ရှင်းစင်ကြယ်နေဖို့လိုတယ်။ ကိုယ်ခန္ဒာသန့်ရှင်းစင်ကြယ်ခြင်းဆိုတာကတော့ ရေကို အသုံးပြု၍ဆေးကြောခြင်းပါပဲ။ ဆံပင်တွေကို အမြဲသန့်ရှင်းအောင်ထားရမယ်။ ခံတွင်းကိုသန့်ရှင်းအောင်ထားရမယ်။ အရေပြားကို သန့်ရှင်းအောင်ထားရမယ်။ လိင်အင်္ဂါများကို သန့်ရှင်းအောင်ထားရမယ်။ စိတ်ထားမှာလည်း မနာလိုစိတ်၊ လောဘစိတ်၊ အလကားလိုချင်စိတ်များများကို ရှင်းပစ်ရမယ်။ ညစ်ပတ်နေနေရာများသည် ရောဂါများကို ဖြစ်စေတယ်။ ညစ်ပတ်သော နိုင်ငံတိုင်းဟာ ဆင်းရဲတဲ့နိုင်ငံတွေဖြစ်တယ်။ မိမိအိပ်ယာနေရာ၊ အိမ်ယာတို့ကို သန့်ရှင်းရမယ်။ မြောင်း၊ စမ်းချောင်းများဟာ ရေစီးနေရမယ်။ ကိုယ်အလုပ်လုပ်မဲ့နေရာကိုလည်းအစဉ်သန့်ရှင်းနေစေရမယ်။


(Asia Masters Hotel-Management မှ ရေးတင်ထားတဲ့စာ ဖြစ်ပါတယ်။)